सिन्धुलीमाढीमा अवस्थित सिन्धुली असपतालले वि.सं.२०३५ सालदेखि सेवा दिदै आइरहेको छ । देशको राजनितिक तथा प्रशासनिक संरचनामा भएको परिवर्तन पश्चात बागमती प्रदेश अन्तर्गत स्वास्थ्य मन्त्रालय मातहत रही ५० शैयाको सेवा प्रदान गर्दै आइरहेको छ । अवस्थितिको हिसाबले कमलामाई नगरपालिका वडा नं.६ मा रहेता पनि देशकै सबैभन्दा बढी जिल्लासँग जोडिएको हुनाले रामेछाप, उदयपुर, महोत्तरी, सर्लाही लगायत अन्य जिल्लाका बिरामीहरुले समेत सेवा लिदै आएको कुरा सर्वविदितै छ ।
सार्वभौमसत्ता सम्पन्न जनताद्वारा निर्मित नेपालको पहिलो संविधान नेपालको संविधानमा मौलिक हकमा व्यवस्था गरिएको निःशुल्क स्वास्थ्य सेवा लगायत स्वास्थ्य सम्बन्धी बृहत तथा आधुनिक स्वास्थ उपचार सम्बन्धी सरकारले गरेको प्रतिवद्धता, जवाफदेहितालाई पारदर्शी र जनमुखी बनाउदै स्वाथ्य सेवा प्रदान गर्ने ।
दक्ष र सक्षम जनशक्तिलाई वैज्ञानिक ढंगले व्यवस्थापन गर्दै बिरामीलाई दिने स्वास्थ्य सेवालाई गुणस्तरीय, सर्बसुलभ, सहजरुपले उपलब्ध गराउँदै स्वास्थ्यलाई सबैको पहुँचयोग्य बनाउने ।
